Rusiya Ordusunun Mərkəzi Evində “Azərbaycanın faşizm üzərində Qələbəyə töhfəsi” kitabının təqdimatı olub

2022-ci il dekabrın 19-da SSRİ-nin yaranmasının 100 illiyi ərəfəsində Rusiya Ordusunun M.V.Frunze adına Mərkəzi Evinin Marşal Jukov zalında  “Moskva şəhər Qərb İnzibati Dairəsi Azərbaycanlılarının Milli-Mədəni Muxtariyyəti” ictimai təşkilatı tərəfindən faşizm üzərində qələbədə Azərbaycanın xüsusi roluna həsr olunmuş “Azərbaycanın faşizm üzərində qələbəyə töhfəsi” kitabının təqdimat mərasimi keçirilib.

Tədbirdə nizami hərbi zabitlər – Rusiya ordusunun zabitləri, Moskva Müharibə Veteranları Komitəsi sədrinin birinci müavini Kulikov Vladimir Aleksandroviç, AzerRos-un prezidenti Xanoğlan Əliyev, partiya fraksiyalarının nümayəndələri iştirak ediblər.
Tədbir səmimi, mehribanlıq şəraitində keçib.
Tədbirdən sonra qonaqlar rəssamlar S.V. Borisov və general-leytenant N.N. Muxinin sərgilərinə baxıblar.
Sonda “Moskva şəhər Qərb İnzibati Dairəsi Azərbaycanlılarının Milli-Mədəni Muxtariyyəti” ictimai təşkilatının sədri Əli Kazımov “Azərbaycanın faşizm üzərində Qələbəyə töhfəsi” kitabını Rusiya Ordusunun Mərkəzi Evinə hədiyyə edib.

Azərbaycan Universitetində “Heydər Əliyev və Türk Dünyası” mövzusunda beynəlxalq konfrans keçirilibAzərbaycan Universitetində “Heydər Əliyev və Türk Dünyası” mövzusunda beynəlxalq konfrans keçirilib

Azərbaycan Universitetində ümummilli lider Heydər Əliyevin anadan olmasının 100-cü ildönümünə həsr olunan “Heydər Əliyev və Türk Dünyası” mövzusunda beynəlxalq konfrans keçirilib. Bu haqda saytımıza Azərbaycan Universitetinin İctimaiyyətlə əlaqələr şöbəsindən məlumat verilib.