Albaniyada Ümummilli lider Heydər Əliyevin 100 illiyi münasibəti ilə kitab nəşr edilib. Alban dilində nəşr edilən “Heydər Əliyevin həyatı, fəaliyyəti və düşüncələri” kitabının müəllifi Entela Muço Albaniya-Azərbaycan Mədəniyyət və Dostluq Dərnəyinin sədridir.
Müasir Azərbaycan dövlətinin memarı və qurucusu olan Heydər Əliyevə həsr olunmuş kitab tarixi faktlar əsasında hazırlanıb. Alban oxucularını Azərbaycan xalqının keçdiyi tarixi mübarizə yolu, keçən əsrin sonunda qazanılan müstəqilliyin qorunub saxlanmasındatarixi şəxsiyyətin rolu və fəaliyyəti ilə yaxından tanış edir. Heydər Əliyev irsinə töhfə olan kitab Azərbaycanın beynəlxalq aləmdə və xaricdə tanıdılmasında yeni addımdır.
Azərbaycanın Albaniya Respublikasındakı səfiri Anar Hüseynov tərəfindən nəşri dəstəklənən kitabın hazırlanmasında AMEA Tarix İnstitutunun Demoqrafiya şöbəsinin müdiri İradə Məmədova, Bakı Avrasiya Universitiesinin kafedra müdiri Elmira Məmmədova-Kekeç, professor Səadət Şıxıyeva, Xəzər Universitetinin dosenti Aynur Qəzənfərqızı, araşdırmaçı-alim Fariz Xəlil, Qardaş Türkiyənin tanınmış tarixçi və dilçi alimləri Əli Arslan, Ömər Turan və Mustafa Balcı yaxından iştirak ediblər.