23 dekabr 2023-cü ildə Murmansk Vilayətində yerləşən Qabaqcıl peşə hazırlığı Mərkəzində Rusiya və MDB ölkələri xalqlarının “Biz birlikdəyik” milli mətbəxi festivalı keçirildi. Bu festivalda müxtəlif xalqların nümayəndələri iştirak etmişlər. Həmçinin “Azərbaycan Mədəniyyət Mərkəzi” Murmansk regional ictimai təşkilatının sədr müavini Fəyyazlı Mehdi Afiq oğlu çıxış etmişdir. O, iştirakçıları və qonaqları Azərbaycanımızın tarixi, xalqın mənşəyi, xalq geyimlərinin rəngləri və günəşli Azərbaycanımızın milli mətbəxi ilə tanış etmişdir. Sonda isə dahi Azərbaycan şairi Səməd Vurğunun Azərbaycan haqqında şeirini Azərbaycan türkcəsində səsləndirmişdir.
